Khutbah jum’at 22-3-19 Innalillahi….

Khutbah jum’at 22-3-19 Innalillahi
إِنَّ الْحَمْدَ لله نَحْمَدُهُ وَنَسْتَعِيْنُهُ وَنَسْتَغْفِرُهُ،
 وَنَعُوْذُ بلله مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا،
مَنْ يَهْدِهِ الله فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ
 أَشْهَدُ أَنْ لَا إله إلا الله وَحْدَهُ لَا شَرِيْكَ لَهُ،
 وَأَشْهَدُ أَنَّ مُحَمَّدًا عَبْدُهُ وَرَسُوْلُهُ
اَللَّهُمّ صَلّ وَسَلّمْ عَلى سيدنا مُحَمّدٍ وَعَلى آلِهِ وِأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ القيامةِ
.( اَمَّا بَعْدُ ) فَيَا اَيُّهَا الْحَاضِرُوْنَ.
  اتَّقُوا اللَّهَ حَقَّ تُقَاتِهِ وَلا تَمُوتُنَّ إِلا وَأَنْتُمْ مُسْلِمُونَ.
اَعُوْذُ بِاللهِ مِنَ الشَّيْطَانِ الرَّجِيْمِ
 بِسْمِ اللهِ الرَّحْمنِ الرَّحِيْمِ :فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ
Hadirin kaum muslimin wayahdikumulloh…
Rojab eta sasih melak,Ramadlan sasih menuai ( panen),saha anu teu melak binih dibulan Rajab diragukeun menuai amis na Ramadlan.
Di alam dunya disarupakeun seperti ker tandur, waktu panen na ke di akherat ,kmh hayang panen nu alus sambungkeun kana tema khutbah ayeuna sing bisa ngamana’an tema:
” Inna lillahi wainna illaihi roj’iun”
Aya paribasa kieu
Mulih ka Jati Mulang Ka asal
Ulah Lali ka Purwadaksina
Sakabeh Jalma kudu ngalewatan MANDALA KASUNGKA PALAWANGAN SUWARGALOKA.
Naon atuh hartina mulih ka jati mulang ka asal teh ??
Upami Mulih ka dzati, Dzati anu dimaksad eta Dzatulloh, hartosna urang Mulih ka DzatNa, sanes ka Asmaulloh, sanes ka Sifatulloh, mulih sanes ka Af’alullloh. Urang ti Alam Dunya ieu bade Mulih teh sanes ka Surga sanes ka Naraka, tapi Mulih ka Dzatulloh.
Anapon ari Surga mah (Kani’matan /Kasenangan /Mamanis) – Naraka (Kasangsaraan /Kasusahan /Papait) tegesna eta kalebet Af’alulloh, ayeuna oge kasaksi-karasa hasilna, kasorang-kapidamel-kalampah, di ojayan Surga jeung Naraka teh beurang jeung peuting.
Sugan aya anu nyebatkeun “Mulih ka Jannah/Surga,
, tah upami aya anu palay lebet ka Surga dibaturan ku 40 bidadari saparantosna PUPUS ngalalakon di Alam Dunya, hartosna miharep Mulih ka Af’alulloh keneh, sanes Mulih ka Dzati (Dzatulloh). Pangharepan anu kieu, teu keuna kana kecap dalil “Innaa Lillahi Wainnaa Ilaihi Roojiuun”.
Anu kumaha atuh Mulih ka Dzati teeeh…??.
, daaa geuningan buktos ari Jasad /Waruga /jasmani nana mah di kubur, dibalikeun deui ka jero Kandungan (Bumi), taaaah palih dieu namina disebat Ibu Pertiwi,
Ti tungtung sausap rambutna dugi ka handap sausap dampalna (Waruga) mah dipulangkeun deui waeeee kana Kandungannana (Bumi) da eta tempat pangbalikan anu Sajati pikeun Jasmanina jasad urang.
Hadirin kaum muslimin wayahdikumulloh…
Mulih deui kana pertarosan…anu mana atuuuh anu  Mulih ka Dzatulloh naaaa, apan sadayana oge Af’alulloh (Padamelan Alloh)???.
Urang udag tina katerangan Padamelan Alloh (Af’alulloh) waktos nyiptakeun MALAIKAT, JIN, ADAM. Ieu ASAL dadamelanNana :
MALAIKAT didamel ku Alloh tina–>Cahaya
JIN/Iblis didamel ku Alloh tina–>Seuneu
ADAM didamel ku Alloh tina –>Taneuh (Lumpur hideung dibere bentuk saterasna stna…)
QS.Al-Hijr, Ayat 29:
فَإِذَا سَوَّيْتُهُۥ وَنَفَخْتُ فِيهِ مِن رُّوحِى فَقَعُوا۟ لَهُۥ سَٰجِدِينَ
Mangka lamun Alloh atos nyampurnakeun kajadian na,sarta atos niup kana jerona ruh (ciptaan)-Alloh,mangka tunduklah anjeun pikeun kaanjeunNa kalawan kudu sumujud.
Saterasna..Ruh ditiupkan langsung, dari Ruh-KU (Min-Ruuhiii)
Ari RUH didamel ku Alloh tina –>???
QS.Al-Isro:85.
وَيَسْـَٔلُونَكَ عَنِ ٱلرُّوحِ
 ۖ قُلِ ٱلرُّوحُ مِنْ أَمْرِ رَبِّى
 وَمَآ أُوتِيتُم مِّنَ ٱلْعِلْمِ إِلَّا قَلِيلًا
Artinya :
“Jeung maranehanana naros ka  anjeun ngeunaan perkawis roh.
Katakanlah: “Roh eta kaasup amri (parentah /utusan /urusan) Pangeran-abdi ,
 sarta teu pisan-pisan anjeun dibere kauninga (tetang roh) malah mung sakedik kana terangna”
Taaaaaah geuning kapendak, nyata geuning RUH dina jero ADAM /Jasad /Waruga / JELEMA teh Amri /Parentah /Utusan /Urusan Alloh..
RUH diparentah /diutus ku Alloh kucara ditiupkeun tina Ruh anjeunNa (Ruhulloh) ka Jero Waruga /Jasmani, dimana Jasmani ieu anu asalna tina KANDUNGAN BUMI.
Janten anu  Mulih /atawa Pulih ka Dzatulloh teeeh, tegesna RUH anu langsung Urusan /Utusan Alloh.
Anu kumaha atuh Mulih ka Dzat teeeh???,
nyaeta ka Dzat Laisa Kamitslihi Syaiun (Dzat anu teu bisa disarupakeun jeung sagala rupa).
Kumaha supaya kapaham ..?.
Walerannana mah, kumaha ari rupana rasa panas..???,
Kumaha ari rupana rasa amis???,
Rupana “Rasa” Panas jeung
Rupana “Rasa” Amisna wae urang teu apal, tapi nyata kasungsi jeung karasa ayana “Rasa” anu teu aya “Rupa-na”.
Tuluy pikiran ku urang dina mangsa urang keur dijero kandungan indung, ceuk beja ti indung, sok usik-sok malik, aya soca teu ningal, aya cepil teu rungu, aya baham tapi teu aya ucapna, aya irung teu ungsa-angseu….,
usik sausikna-malik samalikna.
Tah kitu geuning cek beja (Elmu tina Kandungan) anu disebat ASALna urang memeh lahir ka Alam Dunya.
Janten upami Mulang ka ASAL teh, model keur dina kandungan indung, hartosna :
= Panon kantun buleudna, euweuh Paningalna, asalna oge teu Ningal
= Ceuli kantun Rebingna, euweuh Pangdanguna, asalna oge teu Rungu
= Irung kantung Molongona, euweuh Pangangseuna, asalna oge teu Angseu
= Baham kantun balemna, euweuh Pangucapna , asalna oge teu Ucap.
Dst…
Kamana atuh anu sok Popolototna?
Kamana atuh anu sok Sadenge-dengena?
Kamana atuh anu sok Saangseu-angseuna?
Kamana atuh anu sok Sesentak-Gogorowokannana?
Kamana atuh anu sok Tatajongna?
Kamana atuh anu sok Teuteunggeulna?
Sasatna Waruga /Jasmani-na geus jadi Babatang, jadi Rokrak, jadi dibungkus ku boeh, Usik di Usikeun, Malik di Malikeun kunu Ngurebkeun.
NYATA geuniiiiing SAJATIna anu Ningal teh sanes Panon buncelik, SAJATIna anu Denge/ngarungu teh sanes Ceuli rebing, SAJATIna Ucap/Pangucap teh sanes Baham calawak,
SAJATIna anu Ngangseu teh sanes Irung molongo,
SAJATIna Hirup teh sanes Waruga/Jasmani….
PRAK geura diajar ngarak-rak samemeh jadi rokrak, geura Wanohan anu SAJATIna dina Diri, prak geura Ningal teu kalayan Panon, Dangu teu kalayan Cepil, Ngucap teu kalayan Baham, Lempang teu kalayan Suku…jst, elmu /kawanoh /kanyaho kana perkara anu SAJATIna ieu disebut Elmu SAJATI pibekeleun Mulih ka JATI kalayan Elmuna.
kitu oge upami Lulus dina migawena,ibadah dibungkus dieusi ku akhlak ka alloh na jeung ka makluk na saluyu sareng AsalNa Anu Maha Suci. katarima hasilna, Sampurna dina PanampiannaNa.
بَارَكَ اللهُ لِيْ وَلَكُمْ بِاْالآيَاتِ وَالذِّكْرِ الْحَكِيْمِ وَتَقَبَّلَ مِنِّى وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ وَقُلْ رَبِّ اغْفِرْ وَارْحَمْ وَاَنْتَ الْغَفُوْرُ الرَّحِيْمُ.
Khutbah ka Dua:
اَلْحَمْدُ لله حَمْدًا كَثِيْرًا كَمَا اَمَرَ.
 اَشْهَدُ اَنْ لَا اِلَهَ اِلَّا الله وَحْدَهُ لَا شَرِيْكَ لَهُ اِرْغَامًا لِمَنْ جَحَدَ وَ كَفَرَ.
 وَ اَشْهَدُ اَنَّ مُحَمَّدًا عَبْدُهُ وَ رَسُوْلُهُ وَ حَبِيْبُهُ وَ خَلِيْلُهُ سَيِّدُ الْإِنْسِ وَ الْبَشَرِ.
 اَللَّهُمَّ صَلِّ وَ سَلِّمْ وَ بَارِكْ عَلَى مُحَمَّدٍ وَ عَلَى اَلِهِ وَ اَصْحَابِهِ وَ سَلَّمَ تَسْلِيْمًا كَثِيْرًا.
اَمَّا بَعْدُ، فَيَا عِبَادَ الله اِتَّقُوْا الله
 اَللَّهُمَّ صَلِّ وَ سَلِّمْ وَ بَارِكْ عَلَى مُحَمَّدٍ
 وَ عَلَى اَلِ مُحَمَّدٍ كَمَا صَلَّيْتَ وَ سَلَّمْتَ
وَ بَارَكْتَ عَلَى اِبْرَاهِيْمَ وَ عَلَى اَلِ اِبْرَاهِيْمَ فِى الْعَالَمِيْنَ اِنَّكَ حَمِيْدٌ مَجِيْدٌ. امين يارب العالمين
اَللَّهُمَّ اغْفِرْ لِلْمُؤْمِنِيْنَ وَ الْمُؤْمِنَاتِ
وَ الْمُسْلِمِيْنَ وَ الْمُسْلِمَاتِ اَلْأَحْيَاءِ مِنْهُمْ وَ الْأَمْوَاتِ اِنَّكَ سَمِيْعٌ قَرِيْبٌ مُجِيْبُ الدَّعْوَاتِ وَ قَاضِيَ الْحَاجَاتِ.
اَللَّهُمَّ رَبَّنَا لَا تُزِغْ قُلُوْبَنَا بَعْدَ اِذْهَدَيْتَنَا وَ هَبْلَنَا مِنْ لَدُنْكَ رَحْمَةً اِنَّكَ اَنْتَ الْوَهَّابُ. رَبَّنَا لَا تَجْعَلْ فِى قُلُوْبَنَا غِلًّا لِلَّذِيْنَ اَمَنُوْا رَبَّنَا اِنَّكَ رَؤُوْفٌ رَّحِيْمٌ.
رَبَّنَا هَبْلَنَا مِنْ اَزْوَاجِنَا وَ ذُرِّيَّتِنَا قُرَّةَ اَعْيُنٍ وَ اجْعَلْنَا لِلْمُتَّقِيْنَ اِمَامًا.
 رَبَّنَا اَتِنَا فِى الدُّنْيَا حَسَنَةً وَ فِى الْآخِرَةِ حَسَنَةً وَ قِنَا عَذَابَ النَّارِ.
عِبَادَ الله! اِنَّ الله يَأْمُرُ بِالْعَدْلِ وَ الْإِحْسَانِ وَ اِيْتَاءِ ذِى الْقُرْبَى وَ يَنْهَى عَنِ الْفَحْشَاءِ وَ الْمُنْكَرِ
 وَ الْبَغْىِ يَعِظُكُمْ لَعَلَّكُمْ تَذَّكَّرُوْنَ فَاذْكُرُوْا الله الْعَظِيْمَ يَذْكُرْكُمْ وَ اشْكُرُوْهُ عَلَى نِعَمِهِ يَزِدْكُمْ وَ لَذِكْرُ اللهِ اَكْبَرُ وَ اللهُ يَعْلَمُ مَا تَصْنَعُوْنَ